ხანდახან თარიღი ისეთ ადგილასაა, რომ პირდაპირ ჩამოჭრა შეგვიძლია ხოლმე, მაგრამ ხშირად ის ადევს ფოტოს მნიშვნელოვან დეტალს და ასე მარტივად მას ვერ მოვიცილებთ.

გავხსნათ რომელიმე სურათი:

როგორი საშუალებებით მოვაცილოთ ციფრები სურათს?

თავდაპირველად წავშალოთ ”2006”

გავადიდოთ ფოტო(CTRL+Space Bar-გადიდების ინსტრუმენტი, CTRL+Alt+Space Bar-დაპატარავების) და ავიღოთ ინსტრუმენტი Patch Tool. შემოავლეთ ციფრებს.
შემდეგ ეს გამოყოფა გადაიტანეთ მარცხნივ, სუფთა, ცისფერ ცაზე და აუშვით მაუსს.

ეს ინსტრუმენტი ჩვენი გამოყოფის ნაცვლად ჩასვამს ფოტოს იმ ნაწილს, რომელსაც მივუთითებთ.

ახლა სიტუაცია ცოტა უფრო რთულადაა. ციფრები სხვადასხვა ფონზეა განლაგებული.

გამოვიყენოთ ინსტრუმენტი Clone Stamp Tool.
ფუნჯი ციფრ "9"-ის ზომის აიღეთ(სურათზე დააჭირეთ მაუსის მარჯვენა ღილაკს).
ახლა მივუთითოთ ტექსტურა, ანუ სურათის ნაწილი, რომლითაც დავფარავთ სასურველ ადგილს, ამ შემთხვევაში ციფრ "9"-ს. ტექსტურის ასარჩევად, თითის აუღებლად დააჭირეთ Alt-ს და მაუსით დააკლიკეთ ციფრ "9"-ის გვერდით, ანუ ვირჩევთ იმ ადგილს, რომელსაც ციფრის ადგილას ვსვამთ.

ახლა მაუსით დავაჭიროთ ციფრ "9"-ს. მის მაგივრად ჩაჯდება ტექსტურა, რომელიც წინა ნაბიჯზე ავირჩიეთ.

უზუსტობების გამოსწორება შეიძლება პატარა ზომის ფუნჯით. ინსტრუმენტ Eyedropper Tool-ის გამოყენებით ავირჩიოთ საჭირო ფერი, შემდეგ კი Brush Tool-ით შევასწოროთ უზუსტობები.

დაგვრჩა ”10”-იანი.

ამ შემთხვევაში შეგვიძლია უბრალოდ თეთრი და შავი ფერის ფუნჯით გადავღებოთ, თუმცა წინა საშუალებების გამოყენებაც თავისუფლად შეგვიძლია.

აი რა მივიღეთ შედეგად: